वॉर 2 (हिंदी आणि तेलुगू) १४ ऑगस्ट रोजी डॉल्बी सिनेमा® स्क्रीनवर जगभरातील अनेक देशांमध्ये प्रदर्शित होणारा एकमेव भारतीय चित्रपट ठरेल – यश राज फ़िल्म्स आणि डॉल्बीची ऐतिहासिक घोषणा
यश राज फ़िल्म्स आणि डॉल्बी लॅबोरेटरीज़ (NYSE: DLB), जे इमर्सिव एंटरटेनमेंट अनुभवांमध्ये जागतिक नेते आहेत, त्यांनी जाहीर केलं की वॉर 2 (हिंदी आणि तेलुगू) १४ ऑगस्ट रोजी डॉल्बी सिनेमा® स्क्रीनवर प्रदर्शित होणारा एकमेव भारतीय चित्रपट असेल.
वॉर 2 भारतात डॉल्बी सिनेमा मध्ये प्रदर्शित होणारा पहिला भारतीय चित्रपट ठरणार असून हा क्षण भारतातील सिनेमॅटिक अनुभवासाठी ऐतिहासिक ठरणार आहे. हा चित्रपट हिंदी आणि तेलुगू या भाषांमध्ये नॉर्थ अमेरिका, युनायटेड किंगडम, युएई, सौदी अरेबिया, कुवेत आणि जगभरातील इतर बाजारांमध्येही प्रदर्शित केला जाईल.
१४ ऑगस्ट रोजी प्रदर्शित होणारा वॉर 2 भारतातील चित्रपटनिर्मितीच्या नव्या युगाची सुरुवात करेल. डॉल्बी व्हिजन® चे सजीव रंग आणि डॉल्बी अॅटमॉस® ची immersive ध्वनी हे सर्व निर्मात्यांच्या कल्पनांना पूर्णपणे जिवंत करतं.
भारतातील प्रेक्षक हा उच्च-ऑक्टेन अॅक्शन चित्रपट तसाच अनुभवू शकतात जसा चित्रकर्त्यांनी ठरवला होता. पुणे येथील खाराडी येथील City Pride Multiplex मध्ये यंदाच्या महिन्यात भारतातला पहिला डॉल्बी सिनेमा सुरू करण्यात आला आहे. यानंतर हैदराबाद, बेंगळुरू, त्रिची, कोची आणि उळिक्कल या ठिकाणीही लवकरच डॉल्बी सिनेमा सुरू होणार आहेत.
डॉल्बी सिनेमा हे केवळ एक चित्रपटगृह नसून एक विशेष अनुभव आहे – डायनॅमिक लाईटिंग, प्रीमियम सीटिंग, अडथळा नसलेले दृश्य आणि वॉल-टू-वॉल वक्र स्क्रीन प्रेक्षकांना संपूर्णपणे चित्रपटात घेऊन जातात.
वॉर 2 हा यश राज फ़िल्म्स आणि डॉल्बी यांच्या अनेक दशकांच्या भागीदारीतला एक महत्त्वाचा टप्पा आहे.
१९९५ मध्ये यश राज फ़िल्म्स ने दिलवाले दुल्हनिया ले जायेंगे डॉल्बी ऑडिओ मध्ये रिलीज़ केला होता. २०१३ मध्ये धूम: ३ हे डॉल्बी अॅटमॉस मध्ये प्रदर्शित होणारे पहिले हिंदी चित्रपटांपैकी एक होते. २०२० मध्ये ‘बेस्ट ऑफ वायआरएफ़’ अल्बम डॉल्बी अॅटमॉस म्युझिक मध्ये प्रकाशित केला गेला होता.
डॉल्बी लॅबोरेटरीज़चे वर्ल्डवाइड सिनेमा सेल्स आणि पार्टनर मॅनेजमेंटचे उपाध्यक्ष मायकेल आर्चर म्हणाले, “यश राज फ़िल्म्ससोबत आमचा सहकार्य अनेक दशके जुना आहे. वॉर 2 डॉल्बी सिनेमा मध्ये भारतात आणि आंतरराष्ट्रीय स्तरावर प्रदर्शित होणारा पहिला भारतीय चित्रपट आहे. डॉल्बी सिनेमा एक असामान्य अनुभव देतो – डॉल्बी व्हिजनमधील भव्य चित्रण आणि डॉल्बी अॅटमॉस मधील सजीव ध्वनी यामुळे प्रेक्षक कथा ‘पाहत’ नाहीत, ती ‘अनुभवतात’.”
यश राज फ़िल्म्सचे उपाध्यक्ष – वितरण, रोहन मल्होत्रा म्हणाले, “YRF नेहमीच सीमांच्या पलीकडे जाऊन प्रेक्षकांसाठी सर्वोत्कृष्ट अनुभव निर्माण करत आलं आहे. आता वॉर 2 सोबत आम्ही एक नवीन चित्रपट युग घेऊन आलो आहोत – जिथे प्रत्येक सीन अधिक जिवंत आहे, प्रत्येक ध्वनी अधिक खोल, आणि चित्रपटगृहातील अनुभव पूर्वीपेक्षा अधिक संस्मरणीय आहे.”
