*रागिनी 3 च्या शूटिंगला सुरुवात: तमन्ना भाटियाने लंडनमध्ये बालाजी मोशन पिक्चर्सच्या डेट नाईट हॉरर चित्रपटाचे शूटिंग सुरू केले*
तमन्ना भाटियाने लंडनमध्ये रागिनी 3 च्या शूटिंगला सुरुवात केली; बालाजी मोशन पिक्चर्स 2027 मध्ये चित्रपट प्रदर्शित करणार
बालाजी मोशन पिक्चर्सने आपल्या आगामी **डेट नाईट हॉरर एंटरटेनर** चित्रपट **रागिनी 3** चे शूटिंग सुरू केले आहे. तमन्ना भाटिया प्रमुख भूमिकेत असलेला हा चित्रपट लंडनमध्ये फ्लोअरवर गेला असून, 2027 मध्ये चित्रपटगृहांमध्ये प्रदर्शित होणार आहे.
शशांक घोष दिग्दर्शित **रागिनी 3** हा लोकप्रिय भारतीय हॉरर फ्रँचायझीला एका नव्या आणि रोमांचक पर्वात घेऊन जाणार आहे. हॉरर, रोमँस आणि अनेक अनपेक्षित वळणांचा अनोखा संगम या चित्रपटाला वेगळी ओळख देईल, तर फ्रँचायझीची खास ओळख असलेला सस्पेन्स आणि थरारही कायम ठेवला जाईल.
तमन्ना भाटियाने चित्रपटाच्या पहिल्या शेड्यूलचे शूटिंग लंडनमध्ये सुरू केले आहे. व्यावसायिक चित्रपटांमध्ये आणि दमदार भूमिकांमध्ये सहज वावरासाठी ओळखली जाणारी तमन्ना यावेळी एका अशा भूमिकेत दिसणार आहे, जी रहस्यमय तर असेलच, पण पूर्णपणे अनपेक्षितही असेल. त्यामुळेच **रागिनी 3** हा तिच्या सर्वाधिक चर्चेत आणि प्रतीक्षेत असलेल्या प्रोजेक्ट्सपैकी एक मानला जात आहे. चित्रपटाच्या निर्मात्यांची पहिली आणि एकमेव पसंती तमन्ना भाटिया हीच होती, कारण त्यांच्या मते हॉरर, रोमँस आणि विनोदाच्या या अनोख्या मिश्रणाला पडद्यावर सर्वात प्रभावीपणे साकारण्याची क्षमता तिच्यातच आहे.
एकता कपूर यांच्या **बालाजी मोशन पिक्चर्स** या **बालाजी टेलीफिल्म्स लिमिटेड**च्या विभागाअंतर्गत बनत असलेल्या **रागिनी 3** चे शूटिंग सध्या लंडनमध्ये सुरू आहे. चित्रपटातील इतर कलाकार आणि कथेबाबतची अधिक माहिती येत्या काही महिन्यांत जाहीर करण्यात येणार आहे.
