‘देशाच्या प्रत्येक कोपऱ्यातून येणाऱ्या प्रेम आणि सकारात्मकतेने भारावलो आहे!’ : वॉर 2 च्या टीझरवर इंटरनेटवर गाजणाऱ्या एनटीआर ची प्रतिक्रिया.
सगळ्या भारतात लोकप्रिय असलेला पॅन इंडिया सुपरस्टार एनटीआर, जो ‘मॅन ऑफ द मासेस’ म्हणून ओळखला जातो, त्याने वॉर 2 च्या टीझरमधून पुन्हा एकदा सिद्ध केलं आहे की तो खऱ्या अर्थाने देशाच्या कानाकोपऱ्यात पोहोचलेला अभिनेता आहे. जसा टीझर प्रदर्शित झाला, तसंच एनटीआरच्या जबरदस्त स्पाय अ‍ॅक्शनने सोशल मीडियावर एकच वर्चस्व निर्माण केलं. चाहत्यांकडून मिळणाऱ्या प्रचंड प्रतिसादाने एनटीआर भावनिक झाला आहे.
तो म्हणतो ,“अभिनेता म्हणून काम करताना जेव्हा प्रेक्षकांकडून निःस्वार्थ प्रेम मिळतं, तेव्हा त्यासारखं दुसरं काही नाही. ही भावना फारच दुर्मिळ आणि अमूल्य आहे. वॉर 2 साठी देशभरातून जसं प्रेम मिळत आहे, त्याने मी भारावून गेलो आहे. हा चित्रपट मला एका वेगळ्याच रूपात सादर करतो आणि हे पात्र साकारताना मला खूप मजा आली.”
एनटीआर सांगतो की, त्याने या भूमिकेसाठी आपली पूर्ण ऊर्जा आणि भावना ओतली, आणि तीच ऊर्जा प्रेक्षकांनी ओळखली याचं त्यांना समाधान आहे. “हे पात्र माझ्यासाठी खूप खास आहे,” तो म्हणतो. “जेव्हा तुम्ही एखाद्या भूमिकेत मन, शरीर आणि आत्मा टाकता, तेव्हा अशा प्रकारचं प्रेक्षकांचं प्रेम खूप मोठं समाधान देतं.”
एनटीआर पुढे म्हणतो, “वाईआरएफ स्पाय युनिव्हर्स ने नेहमीच सिनेमा आणि बॉक्स ऑफिसचे नवीन ट्रेंड सेट केले आहेत, आणि या चित्रपटाच्या मोहिमेची सुरुवातच इतकी भव्य झाली हे पाहून खूप आनंद होतो आहे. आता १४ ऑगस्ट रोजी थिएटरमध्ये हे वेड पाहण्याची प्रतीक्षा आहे!”
आदित्य चोप्रा निर्मित आणि अयान मुखर्जी दिग्दर्शित वॉर 2, १४ ऑगस्ट २०२५ रोजी हिंदी, तमिळ आणि तेलगू भाषांमध्ये प्रदर्शित होणार असून, कियारा अडवाणीही या चित्रपटात महत्त्वाच्या भूमिकेत आहे.
