एकता कपूरने 'क्योंकि सास भी कभी बहू थी' संदर्भात दिला मोठा संकेत, जाणून घ्या काय म्हणाल्या!

 *टेलिव्हिजन दुनियेतील क्वीन एकता कपूरने 'क्योंकि सास भी कभी बहू थी' संदर्भात दिला मोठा संकेत, जाणून घ्या काय म्हणाल्या!* 

एकता आर. कपूर यांनी आपल्या कंटेंटद्वारे मनोरंजन उद्योगात अनेकदा मोठे बदल घडवून आणले आहेत. टेलिव्हिजनपासून सिनेमा आणि ओटीटीपर्यंत, त्या प्रत्येक माध्यमावर आपली मजबूत पकड ठेवून आहेत आणि प्रेक्षकांना नेहमी काहीतरी नवीन देण्याचा प्रयत्न करत असतात. त्यांनी अनेक अविस्मरणीय शोज दिले आहेत, पण त्यांचा सर्वात प्रसिद्ध शो ‘क्योंकि सास भी कभी बहू थी’ आजही भारतीय टेलिव्हिजनच्या इतिहासातील एक लिजेंडरी शो मानला जातो.

दशकांनंतरही भारतीय प्रेक्षक या आयकॉनिक शोशी आजही भावनिकदृष्ट्या जोडलेले आहेत.

अलीकडेच, एकता कपूर यांनी या शोच्या आठवणी जागवताना एक संकेत दिला, ज्यामुळे सर्वच जण आश्चर्यचकित झाले आहेत. एकता कपूर यांनी आपल्या सोशल मीडिया अकाउंटवर एक व्हिडीओ शेअर केला, ज्यामध्ये त्या वेगवेगळ्या मूड्समध्ये दिसत आहेत. बॅकग्राउंडला ‘क्योंकि सास भी कभी बहू थी’ या शोचं ते आयकॉनिक ट्यून वाजत होतं, ज्यातून त्यांनी एक मोठा हिंट दिला आणि चाहत्यांमध्ये प्रचंड उत्सुकता निर्माण झाली.

 व्हिडीओ लिंक: https://www.instagram.com/reel/DJi5GRysLAq/?igsh=MTF3MzY1ZmIzYWpyYQ==

याशिवाय, एकता कपूर यांना ५१व्या इंटरनॅशनल एम्मी अवॉर्ड्समध्ये इंटरनॅशनल एम्मी डायरेक्टोरेट अवॉर्डने सन्मानित करण्यात आलं आहे. तसेच, भारत सरकारने त्यांना कला क्षेत्रातील योगदानासाठी देशाचा चौथा सर्वोच्च नागरी सन्मान पद्म श्री प्रदान केला आहे. याव्यतिरिक्त, एकता कपूर यांनी नुकत्याच मुंबईत पार पडलेल्या WAVES समिट 2025 मध्ये मध्य प्रदेश फिल्म टुरिझ्म पॉलिसी 2025 चे उद्घाटन केले. या समिटमध्ये त्यांनी मध्य प्रदेशच्या फिल्म इंडस्ट्रीतील अफाट शक्यता याबद्दल कौतुक केले आणि तेथील सुंदर लोकेशन्स व सांस्कृतिक वारशाला प्रोत्साहन देण्याबाबत आपली भूमिका मांडली. त्यांनी हेही अधोरेखित केले की, राज्याला एक फिल्म हब बनवण्यासाठी आर्थिक सहकार्य आवश्यक आहे.

एकता कपूर, ज्या नेहमीच मनोरंजन विश्वात काहीतरी वेगळं आणि नविन करण्याचा प्रयत्न करत असतात, त्यांनी या उपक्रमातून आपल्या यशाच्या प्रवासात आणखी एक महत्त्वपूर्ण पान जोडले आहे.