*भक्तांच्या वचनपूर्तीसाठी घडणार रहस्यमय स्वामी लीला.*
पहा जय जय स्वामी समर्थ - महागुरुवार २४ एप्रिल रात्री ८.०० वा. आपल्या कलर्स मराठीवर.
*मुंबई २२ एप्रिल, २०२५* : कलर्स मराठीवरील जय जय स्वामी समर्थ मालिकेत स्वामी भक्ताच्या वचनपूर्तीसाठी कसे मार्गदर्शन करतात याचा प्रत्यय या आठवड्यात प्रेक्षकांना मिळणार आहे. दत्तभक्त उर्मिलाच्या आयुष्यात घडणाऱ्या एका अनोख्या आणि रहस्यमय लीलेमुळे तिच्या जीवनात मोठा वळण येणार आहे. महागुरुवारच्या विशेष भागात उर्मिलाच्या हातून अर्धवट राहिलेलं एक वचन पूर्ण करण्यासाठी स्वामी स्वतः प्रकट होणार आहेत.
परिस्थितीने उर्मिलाला एका अवघड वळणावर आणून ठेवले असताना, तिच्या आयुष्यात स्वामींच्या आगमनाने एक गूढ लीला उलगडणार आहे. हे जाणून घेण्यासाठी पहा महागुरुवार २४ एप्रिल रात्री ८ वा. आपल्या कलर्स मराठीवर.
घराच्या उंबरठ्यावर उर्मिलाचं आयुष्य एका कठीण निर्णयाच्या टोकावर उभं असताना, अंबरीश आणि अनुसयाचा तिरस्काराचा कटू स्वभाव तिला अजून खोल जखमा देतो. मात्र स्वामींच्या शब्दांनी तिच्या आयुष्यात आशेचा नवा किरण जागवतो. स्वामींचं ‘प्रवेश कर घरात’ हे वाक्य ऐकून उर्मिला पाऊल टाकते आणि लगेचच निसर्गाच्या गूढ शक्तींचं आगळंवेगळं रूप प्रकट होतं. या क्षणाला उर्मिलाच्या समोर येणारा गूढ आवाज — "मला दिलेले वचन पूर्ण कर" — तिच्या मनात अनेक प्रश्न निर्माण करतो. मात्र स्वामींचं स्पष्ट मार्गदर्शन तिला नवी दिशा दाखवणार आहे.
या लीलेचा उलगडा आणि उर्मिलाच्या वचनपूर्तीचा प्रवास पाहायला विसरू नका — महागुरुवार २४ एप्रिलच्या भागात आपल्या कलर्स मराठीवर.
