*"२०२४ मला हे शिकवून जात आहे..." - अक्षया देवधर*
*"युनिव्हर्सनि मला 'लक्ष्मी निवास' मालिकेतून ती भूमिका दिली" - हर्षदा खानविलकर*
*"मी ७-८ वर्ष कामं करत आहे या क्षेत्रात पण नेहमी ..." - दिव्या पुगावकर*
लक्ष्मी निवास मालिकेच्या कलाकारांनी २०२४ मधल्या आपल्या काही खास आठवणी सांगितल्या.
'लक्ष्मी निवास' मध्ये जान्हवी साकारत असलेली दिव्या पुगावकर म्हणाली “२०२४ ची बेस्ट आठवण, जेव्हा मला कळले की मी लक्ष्मी निवास ही मालिका करत आहे. माझी नेहमी मना पासून इच्छा असते कि माझं एक कामं झालं कि माझ्या हातात दुसरं कामं असावे आणि माझ्यासाठी ती अचिव्हमेंट आहे. मी या क्षेत्रात ७-८ वर्ष कामं करत आहे पण नेहमी माझ्या हातात कामं राहिले आहे. पुढेही असच राहूदे फक्त माझ्यासाठी नाही तर इतर कलाकारानंसाठी ही. २०२४ मध्ये माझं ड्रायविंग शिकायचे राहून गेलंय."
लक्ष्मी साकारत असलेल्या हर्षदा खानविलकर म्हणतात – “२०२४ मध्ये मी म्यानिफेस्ट केले होते कि मला वेगळ्या प्रकारची भूमिका करायची आहे. मी माझ्या मित्र परिवारा समोर बोलायचे मला सोशीत आणि सोज्वळ भूमिका करायची आहे. त्यांच्यासाठी ती मस्करी होती कारण मी नेहमीच सशक्त महिलेच्या भूमिका केल्या आहेत. मी स्वतःही पूर्ण वर्षभर विचार करत होते कि मी सोज्वळ भूमिका करू शकेन का. या आधी मी जे कामं केले आहे ते छान होते पण मला काही तरी वेगळं करायचे होते. मी युनिव्हर्स मध्ये ही गोष्ट बोलत राहिले कि मला अशी एक भूमिका करायची आहे आणि युनिव्हर्सनि मला 'लक्ष्मी निवास' मालिकेद्वारा ती भूमिका दिली. लक्ष्मी हा माझा ड्रीम रोल आहे. २०२४ मध्ये मला फिरायला जायचे होते पण बॅक टू बॅक काम करत असल्यामुळे ते शक्य नाही झाले पण काम करत होते तर ही चांगली गोष्ट आहे."
'लक्ष्मी निवास' मध्ये भावना साकारत असलेली अक्षया देवधर म्हणाली - " माझ्यासाठी २०२४ कमाल वर्ष होत, जरी त्याची सुरुवात तितकीशी बरी झाली नव्हती. पण वर्ष माझ्यासाठी छान होत. २०२४ मध्ये मी पुन्हा एकदा झी मराठीवर काम करायला सुरुवात केली. दुसरी गोष्ट मला नेहमीच व्यवसाय करायचा होता, तर २०२४ मध्ये मी बिजनेस वूमन सुद्दा झाले. तश्या आयुष्यात करायच्या राहिलेली अनेक गोष्टी आहेत परंतु एक गोष्ट मला वाटते कि मी वजन कमी करायची प्रक्रिया थोडी आधी सुरु केली पाहिजे होती ती उशिरा सुरु केली. २०२४ मला हे शिकवून जात आहे कि कम्फर्ट झोन सोडावाच लागतो मग ते कामाच्या बाबतीत असो किंवा वैयक्तिक."
बघायला विसरू नका नवी मालिका "लक्ष्मी निवास' दररोज ८ ते ९ वा. फक्त झी मराठीवर.
