राह रेकॉर्ड्सकडून गायक-गीतकार अमन यांचं दुसरं सिंगल ‘तन्हा मैं’ प्रदर्शित
परत येणार असल्याची खात्री असूनही एखाद्या व्यक्तीची आठवण येताना मनात दाटणारी हुरहूर टिपणारं भावस्पर्शी इंडी-पॉप गाणं
Song Link - https://youtu.be/AERdH8Mk238?si=lKvz_iFvffvCyBdd
‘जादूगरी’ या आपल्या पहिल्या सिंगलच्या रिलीज़नंतर गायक-गीतकार अमन ‘तन्हा मैं’ या राह रेकॉर्ड्सच्या दुसऱ्या सिंगलसह पुन्हा एकदा श्रोत्यांच्या भेटीला आले आहेत. इंडी-पॉपचा भारतीय संगीताच्या समृद्ध प्रभावांशी सुरेख मेळ घालणारं हे गाणं एका अत्यंत वैयक्तिक भावनेचा वेध घेतं—एखादी व्यक्ती खऱ्या अर्थाने आपल्यापासून दूर गेलेली नसतानाही तिची उणीव जाणवणं आणि तिच्या अनुपस्थितीमुळे आयुष्यात काहीतरी अपूर्ण असल्याची भावना निर्माण होणं.
आजच्या वेगवान जगात नवी ठिकाणं, नवी माणसं आणि नवे अनुभव सतत आपल्या आयुष्याचा भाग बनत असतात. अशा वातावरणातही एखादी व्यक्ती परत येणार आहे, हे माहीत असूनसुद्धा तिची आठवण येत राहते, हा भाव ‘तन्हा मैं’मध्ये अतिशय सुंदरपणे मांडण्यात आला आहे. काही काळासाठी आलेल्या दुराव्यामुळे मनात निर्माण होणाऱ्या भावनांचा हा गीतातून वेध घेतला आहे. थोडंसं अंतरही एखादी व्यक्ती आपल्या रोजच्या आयुष्याचा किती महत्त्वाचा भाग बनली आहे, याची जाणीव करून देतं. त्या व्यक्तीच्या अनुपस्थितीत मनात येणारे विचार, मनातील नकळत निर्माण होणारी असुरक्षिततेची भावना, पुन्हा एकदा आश्वस्त होण्याची ओढ आणि त्या व्यक्तीला आपल्या जवळ ठेवण्याची इच्छा, या सगळ्या भावना या गाण्यातून व्यक्त होतात. जगात कितीही गोष्टी अनुभवायला मिळाल्या, तरी ती एक खास व्यक्ती जवळ नसताना आयुष्यात काहीतरी अपूर्ण असल्याची जाणीव कायम राहते. आत्मीय कथनशैली आणि भावपूर्ण संगीताच्या माध्यमातून हे गाणं प्रेमातील नाजूक भावना आणि अनेकदा शब्दांत व्यक्त न होऊ शकणारे मनातील भाव सुंदरपणे उलगडतं.
अमन यांनी लिहिलेल्या आणि संगीतबद्ध केलेल्या ‘तन्हा मैं’मध्ये पारंपरिक भारतीय वाद्यांची उबदारता आणि इंडी-पॉपच्या मधुर सुरांचा सुरेख संगम आहे. हार्मोनियम या संगीत रचनेला भावपूर्ण पाया देतं, तर तबला आणि ढोलक गाण्याच्या संगीतात नैसर्गिक लय आणि एक वेगळा पोत निर्माण करतात. सारंगीमुळे गाण्यातील भावनिक खोली अधिक वाढते आणि त्यातील हुरहूर, एकटेपणा आणि मनातील भावना अधिक प्रभावीपणे व्यक्त होतात. या सर्व वाद्यांचा एकत्रित परिणाम असा संगीतानुभव निर्माण करतो, जो भारतीय संगीत परंपरांमधून प्रेरणा घेतानाच इंडिपेंडंट पॉपची स्वतंत्र ओळखही जपतो.
‘तन्हा मैं’च्या माध्यमातून अमन संगीताद्वारे मानवी भावनांमधील विविध पैलूंचा शोध घेत आहेत. ‘जादूगरी’ या पहिल्या सिंगलमधून त्यांनी सुरू केलेल्या संगीताच्या प्रवासाला हे गाणं पुढे घेऊन जातं. गायक-गीतकार म्हणून त्यांच्या प्रवासातील हे आणखी एक महत्त्वाचं पाऊल असून, यात वैयक्तिक अनुभवांवर आधारित कथन, भारतीय वाद्यसंगीत आणि त्यांची वेगळी सुरेल शैली यांचा संगम पाहायला मिळतो.
यश राज फिल्म्सचं म्युझिक लेबल असलेल्या राह रेकॉर्ड्सच्या माध्यमातून अमन आपली स्वतंत्र संगीत ओळख अधिक विकसित करत आहेत. ‘तन्हा मैं’मधून श्रोत्यांना त्यांच्या बदलत्या संगीतशैलीची आणि त्यांच्या संगीताला आकार देणाऱ्या भावनांची आणखी एक झलक अनुभवायला मिळणार आहे.
