*सहा तास पावसात शूटिंग आणि वर्कआउट... जयच्या अॅक्शन सीनसाठी राज हंचनाळेची मेहनत*
*जय-शरूच्या नात्यात प्रेमाची चाहूल?*
*शरूसाठी जीवाची बाजी लावणारा जय!*
*'सनई चौघडे'* मालिकेत जय आणि शरू यांच्या नात्यात आता हळूहळू जवळीक वाढताना दिसत आहे. अलीकडच्या काही घटनांमुळे जयचा शरूवरील विश्वास अधिक दृढ झाला आहे. प्रॉडक्ट लॉन्चदरम्यान तो तिच्या निर्णयांवर विश्वास दाखवतो. आता दोघे एका ऑफिस पार्टीत जातात जिथे त्यांना चुकून जोडपं समजलं जातं आणि त्यानंतर घरी जाताना झालेल्या जीवघेण्या हल्ल्यात जय शरूचा जीव वाचवणार आहे. या भावनिक आणि अॅक्शनने भरलेल्या प्रसंगांचं शूटिंग कलाकार आणि संपूर्ण टीमसाठी खूप आव्हानात्मक असतं. *मालिकेत जयची भूमिका साकारणाऱ्या राज हंचनाळे यांनी या पावसातील अॅक्शन सीनच्या शूटिंगचा अनुभव सांगताना म्हणाला.*
हा अनुभव खूपच भन्नाट आणि समाधान देणारा होता. पहिल्यांदाच मी रात्रभर पावसात अॅक्शन सीन शूट केला. अशा प्रकारचे सीन करण्याची माझी नेहमीच इच्छा होती. अॅक्शन सीनची मला खूप आवड असल्यामुळे मी या सीनसाठी खूप उत्सुक होतो. शूटिंगच्या १०-१५ दिवस आधीपासून मी तयारी सुरू केली होती. नियमित वर्कआउट, बॉडी ट्रान्सफॉर्मेशन आणि हाय-प्रोटीन डाएट पाळलं. शूटिंगच्या दिवशी तब्बल सहा तास पावसात भिजत फाईट सीन केला. प्रत्येक शॉटआधी शरीराचा पंप कायम ठेवण्यासाठी पुन्हा वर्कआउट करावं लागत होतं. त्यामुळे रात्रभर शूटिंग आणि वर्कआउट दोन्ही सुरू होतं. राज यांनी सांगितलं की, "शूटिंगदरम्यान संपूर्ण टीमने खूप साथ दिली. दिग्दर्शक, फाईट मास्टर्स आणि सहकलाकार यांच्या सहकार्यामुळे इतका कठीण सीन सहज पूर्ण झाला. शूटिंगनंतर मात्र शरीरावर खरचटल्याच्या आणि रॅशेसच्या खुणा दिसल्या कारण मला शर्वरीला उचलून फायट सीनचे काही अॅक्शनस करायचे होते आणि शर्वरीने घातलेल्या ड्रेस मध्ये असे डिजाईन होते, शर्टलेस असल्यामुळे माझ्या बॉडीला खरचटले तेव्हा मला जाणवले नाही. हा सीन जय आणि शरूच्या नात्यातला खूप महत्त्वाचा टप्पा आहे. प्रेक्षकांना हा प्रसंग नक्कीच आवडेल, अशी मला खात्री आहे. मला अॅक्शनची खूप आवड आहे आणि भविष्यातही असे अनेक सीन करण्याची संधी मिळावी, अशी इच्छा आहे."
*आता जय आणि शरूचं नातं पुढे कोणत्या नव्या वळणावर जाणार? या प्रश्नांच उत्तरं जाणून घेण्यासाठी पाहायला विसरू नका 'सनई चौघडे', दररोज रात्री ८.३० वाजता, सदैव तुमच्या झी मराठीवर.*
