‘पति पत्नी और वो दो’च्या रिलीजपूर्वी आयुष्मान खुरानाने सादर केले ‘दिल वाले चोर’ या प्रेमगीताचे रिप्राइझ व्हर्जन
उद्या म्हणजेच १५ मे रोजी प्रदर्शित होणाऱ्या ‘पति पत्नी और वो दो’ या चित्रपटाबद्दल प्रेक्षकांमध्ये उत्सुकता शिगेला पोहोचली असताना, आयुष्मान खुरानाने चाहत्यांसाठी एक खास सरप्राइझ दिले आहे. अभिनेत्याने चित्रपटातील रोमँटिक ट्रॅक ‘दिल वाले चोर’ चे एक अतिशय खास आणि भावनिक रिप्राइझ व्हर्जन रिलीज केले आहे.
हास्य, गोंधळ, मनोरंजन आणि हृदयस्पर्शी क्षणांनी भरलेला ‘पति पत्नी और वो दो’ हा एक परिपूर्ण कौटुंबिक मनोरंजनपट म्हणून समोर येत आहे. या चित्रपटातून आयुष्मान पुन्हा एकदा त्या शैलीत परतताना दिसत आहे, ज्यामध्ये प्रेक्षकांनी त्याच्यावर सर्वाधिक प्रेम केले आहे.
चित्रपटाच्या रिलीजपूर्वी या गाण्याने प्रेक्षकांशी असलेला भावनिक दुवा आणखी मजबूत केला आहे. आयुष्मानने संगीतकार रोचक कोहलीसोबत मिळून या गाण्याला नव्या स्वरूपात सादर केले असून, त्याच्या आवाजातील उबदारपणा आणि प्रामाणिकपणा या ट्रॅकमध्ये स्पष्ट जाणवतो. चित्रपटातील मूळ गाण्याला रोचक कोहली यांनी संगीत दिले होते, तर आदित्य रिखारी आणि श्रेया घोषाल यांनी ते गायले होते. आता ‘दिल वाले चोर’ आयुष्मानच्या आवाजात एका नव्या, अधिक जवळच्या आणि भावनिक रूपात पुन्हा समोर आले आहे.
गाण्याबद्दल बोलताना आयुष्मान खुराना म्हणाला, “संगीत माझ्यासाठी नेहमीच खूप वैयक्तिक राहिले आहे. मी पहिल्यांदा ‘दिल वाले चोर’ ऐकले, तेव्हाच हे गाणे माझ्या मनात घर करून राहिले. त्याच्या शब्दांमध्ये आणि धुनीत एक सुंदर, प्रामाणिक भावना होती. रोचकने हे गाणे खूप आत्मीयतेने कंपोज केले आहे आणि आदित्य व श्रेयाने ओरिजिनल व्हर्जनमध्ये इतक्या प्रामाणिकपणे गायले की ते लगेच प्रेक्षकांशी जोडले गेले.
जेव्हा मी आणि रोचक या गाण्याला पुन्हा नव्याने सादर करण्याबद्दल बोललो, तेव्हा आमचा उद्देश फक्त ते रीक्रिएट करण्याचा नव्हता, तर माझ्या संगीत प्रवासाशी अधिक वैयक्तिकरित्या जोडलेले वाटेल अशा पद्धतीने त्याचे नव्याने सादरीकरण करण्याचा होता. कलाकार म्हणून स्वतःला सतत नव्याने शोधणे मला आवडते, मग ते पडद्यावरच्या कथाकथनातून असो किंवा अशा गाण्यांमधून जे लोकांशी वैयक्तिक पातळीवर जोडले जातात. रोचकसोबतचे हे सहकार्य मला या दोन्ही विश्वांचा परफेक्ट संगम वाटला.”
आयुष्मानने हे रिप्राइझ आणि नव्याने साकारलेले व्हर्जन आपल्या इंस्टाग्रामवर शेअर केले. यामध्ये त्याने गाण्याच्या बोलांमध्ये थोडे इम्प्रोव्हायझेशनही केले आहे. या पोस्टसोबत त्याने भावनिक कॅप्शन लिहिले, “हे व्हर्जन आता तुमचं आहे ♥️ आम्हाला ते तयार करताना जितका आनंद मिळाला, तितकाच तुम्हालाही ते ऐकताना मिळेल अशी आशा आहे.”
गाणे येथे पाहा : https://www.instagram.com/reel/DYT1NfWuXxg/?igsh=dnhpaXQzaWJyaXp5
एक कलाकार म्हणून सतत स्वतःमध्ये नवे बदल घडवत, आयुष्मान खुरानाने अशी वेगळी ओळख निर्माण केली आहे जिथे कथा, संगीत आणि परफॉर्मन्स हे अत्यंत सहजपणे एकमेकांमध्ये मिसळलेले दिसतात.
