बीच वेडिंग प्लॅन्सना मिळाला मजेशीर ट्विस्ट अक्षय कुमारसोबत व्हील ऑफ फॉर्च्यून वर धमाल

 बीच वेडिंग प्लॅन्सना मिळाला मजेशीर ट्विस्ट अक्षय कुमारसोबत व्हील ऑफ फॉर्च्यून वर धमाल

मुंबई, 2 एप्रिल 2026 : व्हील ऑफ फॉर्च्यून च्या ताज्या एपिसोडमध्ये प्रेक्षकांना मिळाला एक भन्नाट आणि मनोरंजक क्षण, जेव्हा होस्ट अक्षय कुमारने स्पर्धकांशी गप्पा मारत शोला दिली एक वेगळीच रंगत. या एपिसोडमध्ये सहभागी झाले होते – तेजस, बेंगळुरूमधील अकाउंट मॅनेजर, वनीता, उदयपूरमधील गृहिणी आणि राहुल, मुंबईतील शेफ. अक्षयच्या उबदार आणि मजेशीर संवादामुळे शो अजूनच रंगला.

अक्षयने तेजसला विचारलं, “तू जिंकलेले पैसे कशासाठी वापरणार आहेस?” त्यावर तेजसने सांगितलं की तो पैसे आपल्या लग्नासाठी वापरणार आहे. मजेशीर ट्विस्ट म्हणजे त्याची गर्लफ्रेंड प्रेक्षकांमध्येच बसलेली होती. अक्षयने तिच्याकडे वळून विचारलं, “सो, आपण यांची गर्लफ्रेंड आहात, किती वर्षांपासून?” त्यावर तिने उत्तर दिलं की ते दोघं गेल्या एका वर्षापासून रिलेशनशिपमध्ये आहेत. अक्षयने आश्चर्याने म्हटलं, “अरे वा, एक वर्षातच लग्नाचा विचार केला तुम्ही!” त्यावर तेजसने स्पष्ट केलं की ते प्रत्यक्षात तीन वर्षांपासून बेस्ट फ्रेंड्स आहेत.

अक्षयने खेळकरपणे विचारलं, “मग लग्नासाठी किती पैसे लागतील?” तेजसने हसत उत्तर दिलं, “जितके जास्त मिळतील तितकं चांगलं.” अक्षयने त्याच्या स्टाईलमध्ये टोमणा मारला, “अरे, काही तरी ठरवून आलास ना!”

यानंतर अक्षयने तेजसच्या गर्लफ्रेंडला विचारलं की तिला कधी लग्न करायचं आहे. तिने सांगितलं की तिचं स्वप्न आहे बीचवर लग्न करण्याचं. अक्षयने लगेच विनोद केला, “जुहू बीच पण भारी आहे बरं का!” त्यावर तिने स्पष्ट केलं की तिला इंटरनॅशनल लोकेशन हवी आहे. अक्षयने हसत म्हटलं, “मग त्यासाठी तर तेजसला कोटी रुपये जिंकावे लागतील.”

यानंतर अक्षयने भारतातील वेडिंग डेस्टिनेशन्सबद्दल बोलताना सांगितलं, “भारतामध्येही किती सुंदर जागा आहेत, मी पण भारतातच लग्न केलं होतं.” त्यावर तेजसच्या गर्लफ्रेंडने सांगितलं की तिला अंडमानमध्ये लग्न करायला आवडेल. अक्षयने उत्साहाने आणखी पर्याय दिले – लक्षद्वीप, गोवा आणि मजेत म्हटलं ‘माध आयलंड’, ज्यावर तिने लगेच नकार दिला, “ते खूप जवळ आहे मुंबईला.”

अक्षयने मजा वाढवत विचारलं की प्रेक्षकांमध्ये कोणी ट्रॅव्हल एजंट आहे का, जो अंडमानमध्ये छोटं लग्न करण्याचा खर्च सांगू शकेल. त्यावर तेजसच्या गर्लफ्रेंडने सांगितलं की साधारण 15 ते 20 लाख रुपये खर्च येईल. शेवटी अक्षयने उत्साहवर्धक शब्दांत म्हटलं की ते तेजसला ती रक्कम जिंकायला मदत करतील. 

हा मजेशीर संवाद प्रेक्षकांच्या चेहऱ्यावर हास्य आणून गेला आणि एपिसोडला दिला एक खास, रिलेटेबल टच. त्यामुळे हा भाग प्रेक्षकांसाठी खरोखरच संस्मरणीय ठरला.

व्हील ऑफ फॉर्च्यून पाहा, सोमवार ते शुक्रवार रात्री 9 वाजता फक्त सोनी एंटरटेनमेंट टेलिव्हिजन वर आणि सोनी लिव्ह वर स्ट्रीम करा.