*विवेक रंजन अग्निहोत्री यांच्या 'द बंगाल फाइल्स'च्या ओटीटी डीलबाबत मोठा अपडेट; चित्रपटाने बजेटच्या दुप्पट रकमेत केली साइनिंग!*
विवेक रंजन अग्निहोत्री दिग्दर्शित ‘द बंगाल फाइल्स’ अखेर प्रेक्षकांच्या भेटीला आली असून, ती भारतीय सिनेमाच्या इतिहासातील एक सर्वात धाडसी कलाकृती ठरत आहे. १६ ऑगस्ट १९४६ च्या *डायरेक्ट अॅक्शन डे*च्या पार्श्वभूमीवर आधारित ही कथा, भूतकाळ आणि वर्तमान यामधून सफाईदारपणे पुढे सरकत जात असताना त्या काळातील कटू वास्तव उघड करते.
सुरुवातीला बंदी आली असतानाही, हा चित्रपट अखेर पश्चिम बंगालमध्येही प्रदर्शित करण्यात आला, आणि त्याच्या ठाम आणि परिणामकारक मांडणीमुळे प्रेक्षकांमध्ये मोठी चर्चा निर्माण झाली आहे.
आता मिळालेल्या माहितीनुसार, चित्रपटाच्या ओटीटी हक्कांची विक्री चित्रपटाच्या बजेटच्या दुप्पट किमतीला झाली असल्याची चर्चा आहे.
एका स्वतंत्र उद्योग स्रोताकडून मिळालेल्या माहितीनुसार, “द बंगाल फाइल्स सध्या थिएटर्समध्ये यशस्वी भरारी घेत आहे. अशा वेळी, Zee5या ओटीटी प्लॅटफॉर्मने चित्रपटाचे हक्क खरेदी केल्याची बातमी समोर आली असून, ही डील सुमारे ₹७० कोटींहून अधिक रकमेची असल्याचं सांगितलं जात आहे. चित्रपटाचा एकूण खर्च पाहता, हा व्यवहार फारच फायद्याचा ठरल्याचं मानलं जातं. मात्र, याबाबतची अचूक रक्कम अद्याप अधिकृतरीत्या जाहीर झालेली नाही.”
द बंगाल फाइल्स हे चित्रपटाचे लेखन आणि दिग्दर्शन विवेक रंजन अग्निहोत्री यांनीच केले असून, अभिषेक अग्रवाल, पल्लवी जोशी आणि विवेक अग्निहोत्री यांनी निर्मिती केली आहे. I Am Buddha Productions आणि तेज नारायण अग्रवाल यांच्या सादरीकरणाखाली हा चित्रपट तयार झाला आहे.
हा चित्रपट 'द काश्मीर फाइल्स' आणि 'द ताश्कंद फाइल्स' नंतर ‘फाइल्स ट्रिलॉजी’ मधील तिसरा भाग आहे. ‘द बंगाल फाइल्स’ ५ सप्टेंबर २०२५ रोजी चित्रपटगृहांमध्ये प्रदर्शित झाला.
