यशराज फिल्म्स या आठवड्यात रिलीज करणार वॉर 2चं पहिलं गाणं आवन जावन — ऋतिक रोशन आणि कियारा अडवाणीवर चित्रित एक ग्रूवी, रोमँटिक गाणं!
वॉर 2 चे दिग्दर्शक अयान मुखर्जी यांनी आज त्यांच्या सोशल मीडिया हँडलवर जाहीर केलं की चित्रपटाचं पहिलं गाणं आवन जावन असून हे एक ग्रूवी आणि रोमँटिक गाणं आहे, ज्यात सुपरस्टार्स ऋतिक रोशन आणि कियारा अडवाणी पहिल्यांदाच एकत्र स्क्रीन शेअर करत आहेत!
अयानने शेअर केलेली इंस्टाग्राम पोस्ट येथे पाहा, ज्यामध्ये आवन जावनमधील एक स्टिल देऊन गाण्याची झलक दाखवण्यात आली आहे:
🔗 https://www.instagram.com/p/DMr205XsEwz/?igsh=aXY2bXdscGJkeGV4
अयानने हेही उघड केलं की ब्रह्मास्त्रमधील सुपरहिट गाणं केसरिया बनवणारी टीम पुन्हा आवन जावनसाठी एकत्र आली आहे!
अयानने लिहिलं,
“प्रीतम दादा. अमिताभ (भट्टाचार्य). अरिजीत (सिंग). ऋतिक आणि कियाराची सुंदर एनर्जी जेव्हा ते पहिल्यांदा स्क्रीनवर एकत्र आले.
ग्रूवी आणि रोमँटिक आवन जावन — आमच्या इटली शूटचं साउंडट्रॅक होतं हे गाणं, आणि ते बनवण्याचा अनुभव वॉर 2 च्या साऱ्या आठवणींपैकी सगळ्यांना सर्वाधिक आनंद देणारा ठरला!
हे गाणं या आठवड्यात प्रेक्षकांसमोर आणण्यासाठी आम्ही खूपच उत्सुक आहोत.”
वॉर 2 , 14 ऑगस्ट रोजी हिंदी, तेलुगु आणि तमिळ भाषांमध्ये जगभरातील चित्रपटगृहांमध्ये प्रदर्शित होणार आहे.
