*आशू शिवाच्या केसात गजरा माळणार !*
*शिवाच्या वाढदिवसासाठी आशु करणार खास तयारी !*
'शिवा' मालिकेत संपदा सर्वांना शिवाने आशूला प्रपोज केल्याचे सांगते. आशू शिवाची आवडती मिठाई घेऊन वस्तीत जातो. पण दिव्या मुद्दाम मिठाईचा बॉक्स खाली पाडते. आशुने शिवाच्या आवडीची मिठाई आणली म्हणून आजी खुश आहे. शिवा आणि आशू घरी येताच घरातील सर्वजण आशूला उत्तर कधी देणार असं विचारताच आशू लाजून निघुन जातो. आशूच्या मनातही शिवाबद्दल काहीतरी आहे म्हणून आशुने शिवाच्या आवडीच्या रंगाचा शर्ट घातलाय, त्याच रंगाची फुले आणलेत, शिवाच स्केच् भिंतीवर लावलाय, संपूर्ण खोली नीटनेटकी ठेवलेय, हे सगळं पाहून शिवा भारावून जाते. आशू सकाळी लवकर उठून घरातील सगळी कामे करतो. दुसरीकडे दिव्या गावी पोहोचताचतीला चंदनच्या खऱ्या परिस्थितीबद्दल समजते तेंव्हां तिचा राग अनावर होतो. सकाळी किचनमधे आशू शिवाला मदत करत असल्याचे पाहून सीताईला हनिमूनला गेल्यावर दोघांमध्ये काहीतरी घडलं असल्याचा संशय येतो. शिवाचा वाढदिवस जवळ येत आहे तेव्हा आशू तिच्यासाठी काहीतरी खास प्लॅन करायचं ठरवतो. आशू मध्यरात्री सायकलवर चहा विकणाऱ्या माणसाला घेऊन येतो. आशू शिवामध्ये झालेले छोटे छोटे बदल नोटीस करतो. शिवा घरातील सर्वांना बोलावून कीर्ती व सुहासला माफ केलं पाहिजे हे समजावुन सांगते. सीताई आणि कीर्ती शिवाच्या छोट्या केसांबद्दल बोलतात तेंव्हां आशू वेगळ्याच पद्धतीने शिवाच्या केसात गजरा माळतो .
*शिवाला लवकरच मिळणार आपल्या प्रपोजलच उत्तर ! शिवाच्या वाढदिवसासाठी आशुची धावपळ ! बघयला विसरू नका 'शिवा' दररोज रात्री ९ वा. झी मराठीवर.*
