सृजन द क्रियेशनद्वारा ‘मित्राची गोष्ट’ आणि ‘ज्याचा त्याचा प्रश्न’ नाटक पाहण्याची सुवर्णसंधी*

*सृजन द क्रियेशनद्वारा ‘मित्राची गोष्ट’ आणि ‘ज्याचा त्याचा प्रश्न’ नाटक पाहण्याची सुवर्णसंधी* सृजन द क्रियेशन ही संस्था गेली तीन वर्ष नवोदित कलाकारांना विविध स्पर्धांमध्ये आपले कलागुण दाखवण्यासाठी व्यासपीठ मिळवून देत आहे. गेल्या तीन वर्षात ह्या संस्थेतील कलाकारांनी जवळपास पंचवीस एकांकिका, पाच दीर्घांक, पाच दोन अंकी नाटकं, अनेक अभिजात नाटकांचे अभिवाचन आणि शॉर्ट फिल्म्स केल्या आहेत. अनेक प्रतिष्ठित स्पर्धेत पुरस्कार मिळवले आहेत.

ह्यावर्षी सृजन द क्रियेशन ह्या संस्थेच्या कलाकारांनी राज्यनाट्य स्पर्धेत तीन नाटकं सादर केली. अभिराम भडकमकर लिखित ‘ज्याचा त्याचा प्रश्न’ ह्या नाटकाला साहित्य संघ केंद्रातून प्रथम क्रमांक मिळाला. येत्या २४, २५ आणि २६ डिसेंबर रोजी विजय तेंडुलकर लिखित ‘मित्राची गोष्ट’ आणि ‘ज्याचा त्याचा प्रश्न’ ह्या नाटकाचे पाच प्रयोग ॲक्टिविटी सेंटर, श्रीकृष्ण नगर, बोरिवली पूर्व येथे होणार आहेत. तरी मराठी नाट्य रसिकांनी ह्याचा लाभ घ्यावा.